السلام عليكم ورحمة الله وبركاته

السلام عليكم ورحمة الله وبركاته
شاعر تعلق اسمه بالغياب اكثر من الحضور
هو العذب الفريد الوحيد
سـعد الحريَص :

غابت الشمس وإلا الحزن له مغربـه

وين أبغرب وأنا حزني غروبه ثقيـل

مجدبه ياجروحي والسمـاء معشبـه

ساكنه والهوى ميل جريـد النخيـل

بـارده ياحروفـي والدفـاء موهبـه

بارده مثل برد الخـوف والمستحيـل

صوتٍ أبعيد في قلبي ياليـت أقربـه

وبين قلبي ومابيني طريـقٍ طويـل

ليت حزني مثل حزن البشر وأكتبـه

وليت دمعي مثل دمع العيون ويسيـل

أشهد أني ردي حـظ وردي تجربـه

وأشهد أني على بعض المشاعر بخيل

أيه مذنب في هالدنيا وهـي مذنبـه

من دفا حلمي الطيب لبـرد الرحيـل

عذري اللـي متعبنّـي وأنـا متعبـه

مال قلبي على بعض الهقاوي دليـل

كل طيرٍ له اللـي بالسمـاء يجذبـه

وكل غصنٍ تجوز له الهبايب يميـل

صرت أقول الكلام المـر وأستعذبـه

صرت أخاف الدفاء لوني وحيدٍ نحيل

كم صبرت وليال الصبـر مستغربـه

لين قلة حلاة الصبر لو هـو جميـل

الزمن صعب والنسيان يـا مصعبـه

والدفاتر نشيّلهـا الهمـوم وتشيـل

اتمني ان تعجبكم
تحياتي

صح السان قايلها ولاهنت على النقل

هلا والله ياخوي زير لاهنت على المرور العذب