كم من صقر وقت الشدايد دجاجه.؟.؟.؟

مـا كـل مــن يضـحـك بدنـيـاه مـسـرور
لــو ضحكـتـه دايــم تـحـرك حـجـاجـه
ومـا كـل مـن يبكـي مـن النـاس مقـهـور
بعض الدموع رخاص من شان حاجه
وما كل صادق لو حكا لك من شعور
يـا كثـر مــن زيــف المشـاعـر خـراجـه
ومـا كـل مـا يخـفـا مــن الـسـر مسـتـور
بعض الوجيه ابين من ارهف زجاجـه
ومــا كــل بـيـت بـابـه انـصـك مهـجـور
كـم بيـت اطفـا الشـح واهـج سـراجـه
ومــا كـــل ورد تـزرعــه يـنـثـر عـطــور
لــو مــاه صـافــي مـــا يـخـالـط هـمـاجـه
وما كل مرهـف قلـب لـو يـزرع زهـور
قـلـب يـحـب الـــورد وجـــواه صـاجــه
وما كل من يخطـي مـن النـاس معـذور
البـعـض يـخـطـي مـــن عـلــوم الـعـواجـه
وما كل من يسكت على الظيم مجبـور
لجـل الـغـلا سـاكـت ويـدعـي انفـراجـه
ومـا كـل راس ضـيـع الفـكـر مسـحـور
كـــم راس الــحــب جــــاب ارتـجـاجــه
ومــا كــل عـلـه فـادهـا طــب دكـتــور
كــم مــن علـيـل وصــل خـلـه عـلاجـه
وما كل من شاور حكيم خذا الشـور
بـعــض الـبـشـر مـــا يـقـنـع الا مــزاجــه
وما كل من سمـي صقـر يشبـه صقـور
كم من صقر وقـت الشدايـد دجاجـه
ومــا كــل فــزاع لـجـل مـــدح مـشـكـور
الـبـعــض مـرجـلـتـه وســامــه وتــاجــه

لاهنت يالغالي

ولاانت ياذيب على المروور

مــا كــل فــزاع لـجـل مـــدح مـشـكـور
الـبـعــض مـرجـلـتـه وســامــه وتــاجــه


صح لسانك ولاهنت اخوي زيزوم

صح لسانك يازيزوم والله يعيطيك العافيه

صح بدنك ولاهنت على المرور يالغالي

الله يعافيك ويخليك ولاهنت على المرور اخوي ابو فهد

نشيط مبدع فنان تعجز الكلمات عن وصفك لاهنت على انقل اخوي زيزوم

يابعد جبدي والله لاهنت على المرور لاكثر من الراااائع
ولاهنت على ىالمجامله اخوي زير

صح لسانك اخوي الكريم ..لاهنت